ایل پی جی کی قیمت میں ایک بار پھر اضافہ

اسلام آباد (ایچ آراین ڈبلیو) آئل اینڈ گیس ریگولیٹری اتھارٹی (اوگرا) نے جولائی کیلئے گیس ایل پی جی کی قیمت میں ایک مرتبہ پھر اضافے کا اعلان کردیا۔ آئل اینڈ گیس ریگولیٹری اتھارٹی (اوگرا) کی جانب سے مہنگائی کے ستائے عوام پر ایک مرتبہ پھر ایل پی جی بم گرایا گیا ہے، اوگرا نے جولائی کےلیے ایل پی جی کی فی کلو قیمت میں ایک روپیہ 66 پیسے اضافے کا اعلان کیا ہے۔ ایل پی جی کی قیمت میں ہوشربا اضافے کے بعد 11.8 کلو کا گھریلو سلنڈر 19 روپے 62 پیسے مہنگا ہوگیا جس کی نئی قیمت 2600 روپے 97 پیسے ہوگئی۔ ایل پی جی کی ایک کلوگرام کی نئی قیمت 220 روپے 42 پیسے مقرر کی گئی ہے، ایل پی جی کی نئی قیمتوں کا اطلاق یکم جولائی 2022ء سے ہوگیا ہے اور جون میں ایل پی جی کا گھریلو سلنڈر 2581 روپے 35 پیسے مقرر تھا۔

اپنا تبصرہ بھیجیں