کراچی (ایچ آراین ڈبلیو) انسداد دہشت گردی کی خصوصی عدالت نے اسٹیل ٹاؤن میں ڈکیتی، پولیس مقابلہ، اقدام قتل اور غیر قانونی اسلحہ رکھنے کے مقدمے میں ملزم کو مجموعی طور پر 32 سال قید کی سزا سنادی۔ کراچی سینٹرل جیل میں انسداد دہشت گردی کمپلیکس میں خصوصی عدالت نمبر 3 نے اسٹیل ٹاؤن میں ڈکیتی، پولیس مقابلہ، اقدام قتل اور غیر قانونی اسلحے کا مقدمے کا فیصلہ سنادیا جس میں استغاثہ جرم ثابت کرنے میں کامیاب رہا۔ عدالت نے جرم ثابت ہونے پر ملزم گل محمد عرف ڈنگر کو سزا سنادی۔ عدالت نے ملزم کو مجموعی طور پر 32 سال قید کی سزا سنائی۔ عدالت نے ملزم کو 2 لاکھ 30 ہزار جرمانہ بھی ادا کرنے کا حکم دے دیا۔ استغاثہ کے مطابق ملزم گل محمد عرف ڈنگر کو اسٹیل ٹاؤن پولیس نے مقابلے کے بعد گرفتار کیا تھا۔
