کراچی(ایچ آراین ڈبلیو)مجلس وحدت مسلمین صوبہ کراچی ڈویژن کے پولٹیکل سیکرٹری علامہ مبشر حسن نے شہر قائد میں لوٹ مار کی بڑھتی وارداتوں پرگہری تشویش کا اظہار کرتے ہوئے کہاکہ سڑکوں پر دندناتے جرائم پیشہ افراد کی بڑھتی ہوئی وارداتوں سے شہری عدم تحفظ کا شکار ہیں۔ ان خیالات کا اظہار انہوں نے وحدت ہاوس انچولی میں پولٹیکل کونسل کے اجلاس کے سربراہی خطاب سے کی اجلاس میں مولانا حیات عباس،رضی حیدر ی،یعقوب شہباز،آصف صفوی،زین عباس سمیت دیگر ارکین موجود تھے انہوں نے کہا کہ لوٹ مار،قتل کی یومیہ اور ماہانہ وارداتیں نیا ریکارڈ قائم کر رہی ہیں۔اسٹریٹ کرائم کی یومیہ وارداتوں میں روز بروزاضافہ ہوتا جارہا ے۔انہوں نے کہا کہ ملکی موجودہ حالات،سیاسی عدم استحکام،معاشی بحران،قدرتی آفات،بے پناہ مہنگائی،بنیادی سہولیات کی عدم فراہمی نے عوام کی کمر توڑ دی ہے تو دوسری جانب عوام اسٹریٹ کرائم کے عذاب میں مبتلا ہے۔سڑکوں پر دندناتے اسٹریٹ کرمنلز کے ہاتھوں شہریوں کی قیمتی جانیں جارہی ہیں رہزنی،اغوا برائے تاوان، بھتہ خوری،ڈاکوؤں کے ہاتھوں شہریوں قتل عام ہے لوٹ مار کی وارداتیں پچھلی تمام حدیں پار کر جاتی ہیں اور جرائم کی روک تھام کے لیئے قانون نافذ کرنے والے ادارے پولیس،رینجرز ودیگر بے بس دکھائی دے رہے ہیں اسٹریٹ کرائم کے روک تھام کیلئے سکیورٹی ادروں کی حکمت عملی کا گراف ڈاؤن ہے ہر ماہ کے اختتام پر سی پی ایل سی کی رپورٹ جاری کر دی جاتی ہے جو قانون نافذ کرنے والے اداروں کی کارکرگی کی قلعی کھولنے کیلئے کافی ہے۔انہوں نے کہا کہ سندھ حکومت متعلقہ ادارے مسلح ڈکیتیوں اور دیگر جرائم کی روک تھام کرے جرائم پیسہ افراد کے خلاف قانون سازی کر کے سخت سے سخت سزائیں دی جائیں۔
