پاراچنار (ایچ آر این ڈبلیو) ملک میں بچوں سے زیادتی کے واقعات میں خوفناک اضافہ ہورہا ہے جس نے والدین کو شدید تشویش میںمبتلا کر رکھا ہے. تازہ واقعہ پاراچنار میںپیش آیا ہے جہاں گاؤں پیواڑ میں 5 سالہ بچی گل سکینہ کو جنسی زیادتی کے بعد قتل کردیا گیا۔ گل سکینہ اسکول گئی تھی لیکن واپس نہ آئی۔ تلاش کرنے پر ایک تالاب سے اس کی لاش ملی۔ میڈیکل رپورٹ میں بچی سے زیادتی کی تصدیق ہوگئی۔ سفاک درندے نے بچی سے زیادتی کے بعد اسے قتل کرکے لاش تالاب میں پھینک دی۔ علاقے میں فضا سوگوار ہے اور مقامی افراد نے قاتل کی گرفتاری اور سخت سے سخت سزا دینے کا مطالبہ کیا ہے سینیٹ کمیٹی برائے داخلہ نے واقعے کا سخت نوٹس لیا ہے اور سینیٹر رحمان ملک نے شدید دکھ و افسوس کا اظہار کرتے ہوئے کہا ہے کہ حکومت خیبرپختونخوا ننھی بچی کے قاتل کو فوری طور پر گرفتار کرکے کیفرکردار تک پہنچائے۔
مزید پڑھیں
Load/Hide Comments