کراچی (ایچ آراین ڈبلیو) سربراہ تنظیم (ایم کیو ایم پاکستان) بحالی کمیٹی ڈاکٹر فاروق ستار کا خصوصی عدالت کی جانب سے سابق صدر پاکستان جنرل پرویز مشرف کو سزائے موت کا فیصلہ سنائے جانے کو صریحا” ناانصافی پر مبنی قرار دیتے ہوئے گہری تشویش و افسوس کا اظہارکیا گیا ہے- ڈاکٹر فاروق ستار نے کہا کہ خصوصی عدالت کی جانب سے سابق صدر پاکستان جنرل پرویز مشرف کو سزائے موت کا فیصلہ سنائے جانے کا فیصلہ صریحا” نا انصافی پر مبنی ہے جس پر گہری تشویش اور افسوس ہے۔ انصاف کے تقاضے پورے کیے بغیر اسطرح کے فیصلوں سے ہمارے عدل و انصاف کے نظام کو ٹھیس پہنچے گی۔ڈاکٹر فاروق ستار نے کہا کہ سابق جنرل پرویز مشرف کا موقف سنے بغیر فیصلہ سنانا انصاف کے تقاضے پورے نہ کرنے کا عمل ہے۔ حکومت پر اسکی ذمہ داری عائد ہوتی ہے کہ پرویز مشرف کی طبیعت کی ناسازی کو دیکھ کر اس چیز کا فیصلہ کرے کہ وہ آنے کی پوزیشن میں ہیں یا نہیں۔ڈاکٹر فاروق ستار نے مزید کہا کہ اگر مشرف اس پوزیشن میں نہیں تو اس صورت میں قانون/مقدمہ کی کاروائی کیسے پوری ہو گی حکومت کو چاہئے تھا کہ عدالت کو حقیقت سے آگاہ کرتی مگر حکومت نے یہ عمل نہیں کیا جس سے صاف ظاہر ہے کہ عدل و انصاف کے تقاضے پورے نہیں ہو سکے۔ پرویز مشرف کی جانب سے یہ کوئی پاکستان کی تاریخ کا پہلا اقدام نہیں اس سے پہلے بھی دیگر جنرل صاحبان نے ایسے فیصلے کیے مگر ان جرنیلوں کی زندگی میں یا زندگی کے بعد کبھی مقدمے نہیں چلے۔ اس تفریقی سلوک سے سندھ کے شہروں بالخصوص مہاجروں میں پائے جانے والے احساس محرومی،احساس بیگانگی اور عدم تحفظ میں کئی گناہ اضافہ ہو گا
