کراچی (ایچ آراین ڈبلیو) ایس ایس جی سی کے سسٹم میں معمولی سی بھتری آنا شروع ہوئی ہے۔ مگر سردی میں شدت کی سبب کم پریشر کا سامنا ابھی بھی موجود ہے۔ ترجمان ایس ایس جی سی کا کہنا ہے کہ سی این جی صارفین کی مشکلات کو سامنے رکھتے ہوئے کل رات بروز جمعرات 10 بجے سے صبح 6 بجے تک سندھ بھر میں تمام سی این جی اسٹیشنز کو گیس بحال کی جائے گی۔ جب کہ بروز اتوار صبح 8 بجے سے رات 8 بجے تک 12 گھنٹے کے لئے تمام سی این جی اسٹیشنز کو گیس کی ترسیل بحال رکھی جائے گی۔ ترجمان نے مزید کہا کہ جیسا کہ گھریلو اور کمرشل صارفین کو گیس پہنچانے میں مشکلات کا سامنا ہے ۔ اس لیے پریشر کی صورتحال کو مد نظر رکھ کر آئندہ کا فیصلہ کیا جائے گا۔
