کراچی (ایچ آراین ڈبلیو) سرجانی ٹاون یارو گوٹھ میں بیوی نے عاشق کے ساتھ مل کر شوہر کو زندہ جلا دیا ۔ اہلخانہ کے مطابق 15 جنوری کے دن 25 سالہ نوید ولد غلام مصطفی سرجانی ٹاون سے جھلسی ہوئی حالت میں سول اسپتال لے جایا گیا ۔ نوید کو اس سے قبل بھی مارنے کی کوشش کی گئی تھی ۔ مقتول تین بچوں کا باپ تھا۔ مقتول کی بیوی علحیدگی چاہتی تھی اور مقتول اپنے بچوں کی وجہ سے بیوی کو طلاق نہیں دے رہا تھا ۔ مقتول کے گھر والوں کو سونیا اور اس کے عاشق کے بارے میں علم تھا ۔ 15 جنوری کی رات نوید دم توڑ گیا ۔ مقتول کا بھائی لاش لے کر خیر پور روانہ ہوا جہاں اس کی تدفین کردی گئی ۔ مقتول کی والدہ نے پولیس اور اعلی حکام سے اپیل کی ہے کہ مقتول کی بیوی سونیا اور اس کے عاشق کے خلاف مقدمہ درج کرکے انھیں گرفتار کیا جائے۔
