لاہور(ایچ آراین ڈبلیو) وزیر ریلوے شیخ رشید احمد کی وزیر اعلی پنجاب سردار عثمان بزدار کے ساتھ ملاقات، وزیر اعلی ہاؤس میں ہونے والی ملاقات میں موجودہ سیاسی صورت حال اور راولپنڈی شہر میں جاری ترقیاتی کاموں کے حوالے سے بات چیت ہوئی- شیخ رشید نے عثمان بزدار کو یوم یکجہتی کشمیر کے حوالے سے 5 فروری کو لال حویلی راولپنڈی میں ہونے والے جلسے میں شرکت اور خطاب کی دعوت دی- وزیر اعلی سے ملاقات میں پنجاب ہاؤس راولپنڈی میں نئی آئی ٹی یونیورسٹی کے قیام کے حوالے سے پیش رفت کا جائزہ لیا۔ نئی منظو شدہ راولپنڈی ویمن یونیورسٹی کے لئے پی سی ون کی رواں مہینے منظوری دینے کا فیصلہ کیا گیا اور نئے تعمیر شدہ ویمن ڈگری کالج ریلوے اسٹیشن میں داخلے اور سٹاف بھرتی کا عمل جلد مکمل کرنے پر اتفاق بھی کیا گیا-
