لاہور (ایچ آراین ڈبلیو) محکمہ لٹریسی پنجاب کی جانب سے جاٸیکا اور راٸٹ پاکستان کے اشتراک سے جوہر ٹاٶن سمسامی کھوٸی کے مقام پر ورکشاپ میں مزدور بچوں کی تعلیم و تربیت کے لیے لٹریسی سنٹر کا افتتاح کر دیا گیا- پاٸلٹ پراجیکٹ کا افتتاح وزیر خواندگی راجہ راشد حفیظ نے کیا۔ اس موقع پر مزدور بچے محکمہ لٹریسی کے متعلقہ افسران جاٸیکا , راٸٹ پاکستان کے نماٸندگان اورسول سوساٸٹی موجود تھی۔ اس موقع پر خطاب کرتے ہوئے راشد حفیظ نے کہا کہ چوں کو پراٸمری تعلیم, ریاضی, فنکشنل انگلش ,حفظان صحت کے اصولوں اور آٹو مکینک کورس کی کتابیں پڑھاٸی جاٸیں گی۔ ایسے لٹریسی سنٹرز سے ہنرمند بچوں اور نوجوانوں کو تعلیم سے روشناس کروا کے انکی علمی وعملی تربیت کرنا مقصود ہے۔ محکمہ دوسرے اداروں کے تعاون سے خواندگی میں اضافے کےلیے مختلف جگہوں پر خواندگی مراکز قاٸم کررہا ہے.وزیر لٹریسی راشد حفیظ نے مزید کہا کہ عثمان بزدار حکومت شرح خواندگی میں اضافے کے لیے اہم اقدامات کررہی ہے۔ محکمہ خواندگی کا سارا فوکس اس وقت دوردراز کے علاقوں میں مقیم ان بچوں کی تعلیم پر ہے جو خط غربت کی لکیر سے نیچے زندگی گزار رہے ہیں۔انرولمنٹ کو سو فیصد بنانے کے لیے محکمہ اپنے محدود وساٸل کے باوجود اپنی گراں قدر خدمات پیش کررہا ہے۔ لٹریسی سنٹرز کا قیام جنوبی پنجاب کے پسماندہ علاقوں میں یقینی بنایا جارہا ہے۔ راشد حفیظ نے کہا کہ 240 لٹریسی مراکز یونیسف کے تعاون سے رحیم یار خان ڈی جی خان راجن پور بہاولپور فیصلاآباد اور لاہور میں بناۓ گٸے ہیں۔ تعلیم کی فراہمی وہ سودمند عمل ہے جس کے ثمرات سے ریاست کے تمام افراد مستفید ہوتے ہیں۔
