کراچی (ایچ آر این ڈبلیو)لاک ڈاؤن کے دوران بھی لوٹ مار اور چوری کا سلسلہ جاری ہے ،پاپو ش نگر میں دکان جبکہ سولجر باراز میں فلیٹ میں چوری کی واردات، ملزمان گرفتار نہ ہوسکے- پاپوش نگر کے علاقے ناظم آباد پاپوش نگر چاندنی چوک کے قریب واقع مارکیٹ میں قائم عباسی کیش اینڈی کیری نامی دکان میں پیر کی دوپہر 3 بجے کے قریب تین نامعلوم ملزمان داخل ہوئے اور اسلحے کے زور پر نقدی وموبائل فونز لوٹ کر فرار ہوگئے۔ سولجربازار کے علاقے سولجربازار نمبرایک میں واقع ایک رہائشی عمارت کی چوتھی منزل پرقائم فلیٹ کے تالے توڑ کر نامعلوم ملزم فلیٹ سے موبائل فونز، لیپ ٹاپ سمیت دیگر قیمتی سامان چوری کرکے فرار ہوگیا۔
