کراچی(ایچ آراین ڈبلیو)اورنگی ٹائون سیکٹر فور ای میں واقعے گھر کے اندر نوجوان لڑکی پراسرار طور پر جاں بحق ہوگئی- جس کی لاش عباسی شہید اسپتال لائی گئی۔ پولیس کے مطابق متوفیہ کی شناخت 22 سالہ مریم دختر گل راز خان کے نام سے ہوئی ہے جبکہ ابتدائی طور پر بتایا گیا تھا کہ وہ گھر کی چھت سے گر کر جاں بحق ہوئی ہے تاہم پولیس جب اسپتال پہنچی تو اہلخانہ نے بتایا کہ مریم گھر کے باتھ روم میں پائوں پھسل جانے کے باعث گرنے سے جاں بحق ہوئی۔ ان کا کہنا تھا کہ متوفیہ کے اہلخانہ نے قانونی کارروائی سے گریز کیا جس کے بعد پولیس نے متوفیہ کی لاش ورثا کے حوالے کر دی۔
