لاہور(ایچ آراین ڈبلیو)ایگزیکٹوڈائریکٹرلاہور آرٹس کونسل الحمراء ثمن رائے نے کہا ہے کہ دیانت دار افسران و ملازمین ملکی ترقی میں اہم کردار ادا کرتے ہیں، الحمراء کے پروگرام کی کامیابی یہاں کے ملازمین کی ٹیم ورک کا نتیجہ ہے۔ان خیالات کاانھوں نے محمد عارف کو انکی ریٹائرمنٹ پر مبارکباد دیتےہوئےکیا۔ ڈپٹی ڈائریکٹر ایڈمن آفتاب احمد انصاری نے ریٹائرہونے ہونے والے ملازم محمد عارف کو تعریفی سنددی اورانکے لئے نیک تمناؤں کا اظہار کرتے ہوئے کہا کہ محمد عارف میسن نے اپنے فرائض منصبی احسن انداز میں ادا کئے،وہ خوش قسمت ہیں کہ وہ اپنی مدت ملازمت خوبصورت انداز میں مکمل کر رہے ہیں۔ میسن محمد عارف کے اعزاز میں ادارے کے افسران و ملازمین کی جانب سےالوداعی تقریب کا انعقاد کیا گیاجس پر شکریہ ادا کرتے ہوئے محمد عارف میسن نے کہا کہ الحمرا جیسے ثقافتی ادارے میں 34برس گزارنے پر فخر ہے،یہاں کی یادیں سرمایہ ہے،تقریب میں ڈپٹی ڈائریکٹر آرکائیو محمد عارف،اسسٹنٹ ڈائریکٹر ایڈمن خرم نویل و دیگر افسران و ملازمین نے شرکت کی۔
