سیالکوٹ(ایچ آراین ڈبلیو)زمین کے تنازعے پر جھگڑا، دو افراد معمولی زخمی،پولیس کی بروقت کارروائی، کوئی بڑا نقصان ہونے سے پہلے ملزمان گرفتار۔تفصیلات کے مطابق سمبڑیال کے نواحی گاوں دوبرجی چندہ سنگھ میں محمد امین اور فاروق گجر میں زمین کے تنازعے پر کافی عرصےسے چپقلش چل رہی تھی جس کو لے کر گزشتہ روز جھگڑا ہوگیا دونوں پارٹیوں نے اپنے بندے اکٹھے کرلئے ، تاہم ڈی ایس پی سمبڑیال ذوالفقار ورک نے خود بروقت موقع پر پہنچ کر کارروائی کرتے ہوئے دونوں فریقوں کے بندے گرفتار کرلئے، جس سے کوئی بڑا حادثہ ہوتے ہوتے بچ گیا ۔ پولیس نے زیردفعہ 7/51 و دیگر دفعات کے تحت مقدمات درج کرکے ملزمان کو عدالت میں پیش کردیا جہاں عدالت نے ایک پارٹی کو ضمانت پہ رہا کردیا جبکہ دوسری کو مزید تفتیش کے لئے پولیس کے حوالے کردیا۔
