کراچی(ایچ آراین ڈبلیو)ترجمان سندھ حکومت و مشیر قانون بیرسٹر مرتضی وہاب سے نادرا کے وفد کی ملاقات ہوئی-وفد کی قیادت سکسیشن پروجیکٹ کے سربراہ بریگیڈئیر طلعت قیوم کررہے تھے-واضح رہے کہ نادرا کے وفد میں پروگرام مینیجر شہزاد پرویز، ڈائریکٹر پروجیکٹ سید گوہر عباس شامل تھے-ملاقات میں سیکرٹری قانون منصور عباس بھی موجود تھے-مولاقات میں سکسیشن قانون کے حوالے سے پیشرفت ہوئی-سندھ حکومت سکسیشن لاء کے نفاذ کے لئے کمیٹیڈ ہے۔نادرا کے وفد کی مشیر قانون کو تیس یوم میں سکسیشن قانون پر عملدرآمد کی یقین دہانی کرائی-قانون کی سمری گورنر سندھ کو منظوری کے لئے ارسال کی جا چکی ہے۔گورنر سندھ کی جانب سے سمری کی منظوری کے بعد یہ قانون صوبے میں لاگو ہوجائیگا۔
