لاہور(ایچ آراین ڈبلیو) فردوس عاشق اعوان نے کہا ہے کہ کرپٹ شاہی خاندان اور ان کے حواری محکمہ مال کے مال پر عیاشی کرتے رہے، بزدار حکومت میں عوام کا پیسہ عوام پر ہی خرچ ہوگا۔معاون خصوصی اطلاعات پنجاب ڈاکٹر فردوس عاشق اعوان نے سماجی رابطے کی ویب سائٹ پر ٹویٹ کرتے ہوئے کہا لاہور سمیت پنجاب کے شہری علاقوں کی ڈیجیٹل پیمائش اور نقشہ سازی کا آغاز ہوگیا-بورڈ آف ریونیو نے سروے آف پاکستان کے اشتراک سے لاہور کے ڈیجیٹل نقشے پر کام کا آغاز کر دیا۔ایک نجی ٹی وی کی رپورٹ کے مطابق فردوس عاشق اعوان کا کہنا تھا کہ ہر بلڈنگ کا رقبہ، مالیت اور اس کے مالک کی تفصیلات بھی ڈیجٹلائز ہوں گی، پراجیکٹ کی تکمیل پر پنجاب کے شہری علاقوں میں جائیداد کا خسرہ نمبر ختم کر دیا جائے گا۔
