اسلام آباد(ایچ آراین ڈبلیو)ایک ہفتے میں 22 اشیاء ضروریہ کی قیمتیں مزید بڑھ گئیں ۔ ایک ہفتے میں مہنگائی میں 1.21 فیصد کا اضافہ ریکارڈ کیا گیا ۔ادارہ شماریات نے اعدادو شمار جاری کر دیئے۔ادارہ شماریات کے مطابق مہنگائی کی مجموعی شرح 12.94 فیصد تک پہنچ گئی ہے۔ایک ہفتےمیں 22اشیاء ضروریہ کی قیمتوں میں اضافہ ہوا۔ زندہ مرغی کی فی کلو قیمت 262 روپے 35 پیسے تک پہنچ گئی ۔ ایک ہفتےمیں زندہ مرغی کی فی کلو قیمت میں 38 روپے 35 پیسے کا اضافہ ہوا۔ایک نجی ٹی وی کی رپورٹ کےمطابق ایل پی جی گھریلو سلنڈر کی قیمت 152 روپے28 پیسےبڑھ گئی۔ آلو 2 روپے 95 پیسے فی کلو اور لہسن 9 روپے 95 پیسے فی کلو مہنگا ہو گیا ۔ آٹے کا 20 کلو تھیلا کی قیمت میں 23 روپے سے زائد کا اضافہ ہوا۔اڑھائی کلو برانڈڈ گھی 3 روپے 29 پیسے مہنگا ہوگیا، چینی کی فی کلو قیمت میں 47 پیسے بڑھ گئی ۔ پیٹرول، ڈیزل، ٹماٹر، مٹن، تازہ دودھ، چاول بھی مہنگی ہونے والی اشیاء میں شامل ہیں ۔ایک ہفتے میں 8 اشیاء کی قیمتوں میں کمی ہوئی، 21 اشیاء کی قیمتوں میں استحکام رہا-
