کراچی (ایچ آراین ڈبلیو) کراچی میں آج ہلکی بارش اور بوندا باندی کا امکان ہے۔ محکمہ موسمیات کے مطابق کراچی میں آج ہلکی بارش، پھوار یا بوندا باندی ہو سکتی ہے۔ بحیرہ عرب میں موجود پری مون سون سسٹم کراچی سے مزید دورہوتا جارہا ہے۔ ہوا کا کم دباؤ آج سمندر میں ہی ختم ہوجائے گا۔ شہر میں آج شام سے سمندری ہوائیں بتدریج بحال ہونے کا امکان ہے جس کے بعد گرمی کی غیرمعمولی لہر کا خاتمہ متوقع ہے۔ کراچی میں 8 جولائی سے باقاعدہ مون سون سسٹم کے تحت بارشیں ہونے کا بھی امکان ہے۔
