کراچی (ایچ آراین ڈبلیو) کیماڑی میں ایک بار بھر پراسرار زہریلی گیس پھیلنے سے دو افراد انتقال کرگئے۔ ترجمان کیماڑی ضیاءالدین اسپتال کے مطابق بدھ کی رات دو مریض اسپتال لائے گئے تھے،جو دوران علاج دم تور گئے،ان دو افراد کے علاوہ رات گئے مزید گیارہ افراد بھی اسپتال لائے گئے،اسپتال کے ترجمان نے بتایا کہ دو دنوں میں اب تک بائیس متاثرہ افراد ہسپتال لائے جاچکے ہیں،اس سے قبل اٹھارہ دسمبر کی شب بھی نو مریض اسپتال لائے گئے،تمام افراد کو طبی امداد دینے کے بعد ڈسچارج کیا جاچکا ہے۔۔
