گجرات (ایچ آراین ڈبلیو) برطانوی نژاد 2بہنیں گھر کے باتھ روم میں پر اسرار طور پر ہلاک، دونوں بہنیں 10 روز قبل پاکستان آئی تھی۔ واقعہ گجرات کے نواحی گاؤں میرپور نئی آبادی میں پیش آیا ہے جہاں برطانیہ پلٹ عبدالرحمن اپنی بیوی زرینہ بی بی اور جوان سالہ بیٹیوں 17سالہ نادیہ اور 25سالہ ماریہ کے ہمراہ دو ہفتے قبل برطانیہ سے اپنے والدین کی سالانہ برسی کیلئے گاؤں پہنچا تو والدین کے ختم کے روز دونوں بیٹیاں ماریہ اور نادیہ نہانے کیلئے کافی دیر تک غسل خانہ سے باہر نہ نکلیں تو انکی ماں غسل خانہ چلی گئی اور درازہ توڑ کر اندر داخل ہوئیں تو دونوں جوان سالہ بہنیں نیم مردہ حالت میں پڑی تھیں جنہیں تشویشناک حالت میں ہسپتال لے جایا گیا مگر دونوں جاں بحق ہو گئی بچیوں کے والدین کے مطابق دونوں بہنوں کی ہلاکت غسل خانے میں لگے گیزر کی گیس پھیلنے سے ہوئی جبکہ پولیس ذرائع کا کہناہے ورثاء نے واقعہ کو اتفاقیہ قرار دے کر کارروائی نہ کروانے کی درخواست دی جس پر رپورٹ اندراج کر لی گئی تاہم پوسٹمارٹم رپورٹ کے بعد صورتحال مزید واضح ہو جائیگی دونوں بہنوں کو ایک دوسرے کے پہلو میں مقامی قبرستان میں سپردخاک کر دیا گیا
