کراچی(ایچ آراین ڈبلیو) وزیراعلیٰ سندھ مراد علی شاہ کی زیرصدارت ہونے والے کوروناٹاسک فورس اجلاس کو بتایا گیا کہ کراچی میں کورونا وائرس کے مزید 12 کیسز سامنے آئے ہیں۔اجلاس کو بتایا گیا کہ سندھ میں اب تک 469 کیسز رپورٹ ہوئے ہیں۔ سکھر میں 265، کراچی 189، لاڑکانہ اورحیدرآباد میں 7 ،7 اور دادو میں کورونا کا ایک کیس رپورٹ ہوا ہے۔ایک نجی ٹی وی کی رپورٹ کے مطابق گزشتہ 3 روز میں 41 کیسزرپورٹ ہوئے ہیں۔ وزیراعلیٰ سندھ نے اجلاس سے خطاب کرتے ہوئے کہا کہ سندھ کےعوام کورونا کے خلاف جنگ میں ساتھ ہیں۔ لاک ڈاؤن کے دوران عوام کے تعاون کی ضرورت ہے۔
