بوگوٹا(ایچ آراین ڈبلیو)کھیلوں کے معروف چینل میں شو کے دوران خوفناک حادثے نے میزبان و مہمان کو خوفزدہ کردیا۔ایک نجی ٹی وی کی رپورٹ کے مطابق ٹی شو کے دوران خوفناک حادثہ جنوبی امریکی ملک کولمبیا میں پیش آیا، جہاں دنیا بھر میں کھیلوں کے معرور چینل پر ٹاک شو جاری تھا کہ اچانک بڑی ٹی وی اسکرین مہمان پر آگری۔ہوا کچھ یوں کہ میزبان ڈسپلے اسکرین کے سامنے کھڑے ہوکر بات کرتے کرتے اپنی سیٹ پر آکر بیٹھا ہی تھا کہ اچانک ڈسپلے اسکرین مہمان پر آگری۔واضح رہے کہ سوشل میڈیا رپ وائرل ہونے والی ویڈیو میں دیکھا جاسکتا ہے کہ اسکرین گرنے سے مہمان کا چہرہ میز پر لگتا ہے لیکن خوش قسمتی سے مہمان کو صرف معمولی چوٹیں آئیں۔اچانک حادثے پر میزبان دنگ ہوا لیکن پھر سنبھلتے ہی فوراً پروگرام میں بریک کا اعلان کر دیا، حادثے کا شکار ہونے والے صحافی کو چہرے پر خراشوں کے ساتھ معمولی چوٹ آئی، حادثے کی وجہ کی تحقیقات کی جارہی ہیں۔
