نئی دہلی(ایچ آراین ڈبلیو) بھارت میں گدے بنانے والی ایک فیکٹری گدوں کے اندر روئی کی جگہ استعمال شدہ فیس ماسک بھرنے لگی جس کا انکشاف ہونے پر پولیس نے کریک ڈاؤن کیا۔ایک نجی ٹی وی کی رپورٹ کے مطابق ریاست مہاراشٹر میں گدے بنانے والی فیکٹری پر پولیس نے چھاپہ مار کر استعمال شدہ فیس ماسکس کا ڈھیر برآمد کرلیا۔ فیکٹری میں بننے والے گدوں میں روئی کی جگہ فیس ماسکس بھرے جارہے تھے۔پولیس نے فیکٹری کے مالک کے خلاف کریک ڈاؤن کر کے مالک کے خلاف مقدمہ درج کرلیا اور تحقیقات شروع کردیں۔ فیکٹری سے ملنے والے استعمال شدہ ماسکس کے ڈھیر کو پولیس نے نذر آتش کردیا۔
