اسلام آباد(ایچ آراین ڈبلیو)وزیراعظم عمران خان نے سانحہ مری پرانکوائری کا حکم دیتے ہوئے کہا سیاحوں کی المناک اموات پرافسردہ ہوں۔تفصیلات کے مطابق وزیراعظم عمران خان نے سانحہ مری پرانکوائری کا حکم دےدیا اور اپنے پیغام میں کہا کہم مری جانے والے سیاحوں کی المناک اموات پرافسردہ ہوں، ایسےسانحات کی روک تھام کیلئےسخت قواعدوضوابط قائم کئےجائیں گے۔ایک نجی ٹی وی کی رپورٹ کے مطابق عمران خان کا کہنا تھا کہ موسم کی صورتحال دیکھے بغیرلوگ بڑی تعداد میں مری پہنچے، اس غیرمتوقع صورتحال سے نمٹنے کےلیے ضلعی انتظامیہ تیار نہ تھی۔اس سے قبل معاون خصوصی ڈاکٹر شہباز گل نےسماجی رابطے کی ویب سائٹ ٹوئٹرپراپنے بیان میں کہا تھا کہ وزیراعظم عمران خان نے مری میں شدیدبرفباری سےپیش آئےسانحےپردکھ کااظہار کیا ہے اور لوگوں کوریسکیوکرنے کےلیے ہدایات دی ہیں۔ڈاکٹر شہباز گل کا کہنا تھا کہ تمام اداروں کومتحرک کر دیا گیا ہے ، تمام اداروں کوعلاقوں کوصاف کرنے کے لیے متحرک کیا گیا ہے، اگرکوئی ذمہ دار ہے تو اس کے خلاف کارروائی ہونی چاہیے۔خیال رہے مری میں شدید برفباری کے باعث 21 سیاح جاں بحق ہوچکے ہیں ، جس میں 2 خواتین اور8 بچے بھی شامل ہیں۔
