کراچی(ایچ آراین ڈبلیو) سی ٹی ڈی کی ٹیم آج انٹرامتحانات میں نقل کے معاملے کی تفتیش کیلئے انٹربورڈ کے دفتر پہنچی۔ نجی ٹی وی کی رپورٹ کے مطابق ٹیم نے بورڈ کے اعلیٰ حکام اور اہلکاروں سے اس حوالے سے پوچھ گچھ کی۔ انہوں نے بورڈ کے چار ملازمین کو حراست میں بھی لیا جن میں بورڈ کا سی سی او بھی شامل ہے۔تفصیلات کے مطابق سی ٹی ڈی کی ٹیم کی بورڈ کے دفتر میں موجودگی کے دوران تمام ملازمین کے باہر جانے پر اور باہر سے کسی بھی شخص کے اندرآنے پرپابندی نافذ رہی۔ سی ٹی ڈی کی ٹیم ایک گھنٹہ سے زائد وقت انٹر بورڈ کے دفتر میں موجود رہی اور اس دوران وٹس ایپ گروپوں کے ذریعے پیپر لیک کرنے کے معاملے کی تفتیش کی گئی۔
Load/Hide Comments
