کراچی (ایچ آراین ڈبلیو)چائے خانوں کے لیے نیا ضابطہ اخلاق جاری کردیا گیا ہے۔ ترجمان سی بی سی کے مطابق کنٹونمنٹ بورڈ کلفٹن کے جاری کردہ نئے ضابطہ اخلاق کے مطابق رات 12 بجے چائے خانے بند کردیے جائیں گے۔ رات 11:30 بجے کے بعد کسی کو چائے خانے آنے کی اجازت نہیں ہوگی۔ فٹ پاتھوں اور سڑک پر ٹیبل اور کرسیاں نہیں لگائی جائیں گی۔ کنٹونمنٹ بورڈ نے ہدایت جاری کی ہے یہ چائے خانوں میں غیر قانونی سرگرمیوں میں ملوث افراد سے متعلق قانون نافذ کرنے والے اداروں کو آگاہ کیا جائے گا۔ چائے خانوں میں منشیات کی روک تھام پر سختی سے عمل درآمد کرایا جائے گا۔پیشہ ور بھکاریوں اور گداگروں کی حوصلہ شکنی کی جائے گی -!!!’
