کراچی (ایچ آراین ڈبلیو) شہر قائد میں سردی کی شدت بڑھ گئی، آج شہر میں درجہ حرارت27 سے 29 ڈگری سینٹی گریڈ رہنے کا امکان ہے۔ایک نجی ٹی وی کی رپورٹ کے مطابق کراچی میں سردی کی شدت میں اضافہ ہوگیا ، محکمہ موسمیات کا کہنا ہے کہ شمال مشرق سَمت سے 8سے 10 کلومیٹرفی گھنٹہ کی رفتار سے ہوا چل رہی ہے اور ہوا میں نمی کاتناسب71 فیصد ہے۔محکمہ موسمیات نے بتایا کراچی میں کم سےکم درجہ حرارت 13 ڈگری سینٹی گریڈریکارڈ کیا گیا اور آئندہ چوبیس گھنٹوں کے دوران زیادہ سے زیادہ درجہ حرارت ستائیس سے انتیس ڈگری سینٹی گریڈرہنےکاامکان ہے۔دوسری جانب بلوچستان کے بیشتر اضلاع میں موسم سرد اور خشک رہے گا، آج ریکارڈ کئے گئے درجہ حرارت کے مطابق کوئٹہ میں کم سے کم درجہ حرار ت منفی01 ڈگری ، زیارت میں کم سے کم منفی 05 ڈگری سینٹی گریڈ اورقلات میں منفی 03 ڈگری سینٹی گریڈریکارڈ کیا گیا۔
