کراچی(ایچ آراین ڈبلیو ) ڈائریکٹر جنرل ادارہ ترقیات کراچی ڈاکٹر سید سیف الرحمٰن کی خصوصی ہدایات پر متعلقہ ایگزیکٹیو انجینئرز اور آفیسرز نے شب و روز انتھک محنت کے ساتھ سرجانی ٹاؤن میں ری ٹریٹ اپارٹمنٹس اور سرجانی ویو کی دکانوں کے اطراف بھاری مشینری کے ذریعے کچرے کے ڈھیر اور جھاڑیوں کو صاف کردیا ہے جس سے علاقے کی رونق بحال ہونا شروع ہوگئی ہے۔ اس موقع پر علاقہ مکینوں نے ادارہ ترقیات کراچی کی جانب سے جا بجا جھاڑیوں، کچرے کے ڈھیر اور علاقے کی صفائی ستھرائی پرڈائریکٹر جنرل ادارہ ترقیات کراچی ڈاکٹر سید سیف الرحمٰن اور دیگر افسران کا دلی شکریہ ادا کیاہے۔علاقہ مکینوں کے مطابق سرجانی ٹاؤن میں دکانوں کی نیلامی سے کے ڈی اے مارکیٹ آباد ہو جائے گی جس سے روزمرہ اشیائے ضروریہ کی خریداری میں سہولت مسیر آسکے گی۔
